අතීත වැහිබර දවසක
අප හමුවුණු හැන්දෑවක
මතකද අවසාන වරට අප සිප ගත්තා?
අවසන් වර බව නොම දැන අප සිප ගත්තා
ආකාසේ පියඹා ගිය
දිගුහොට ඇති කෑදැත්තෙක්
අමුතු හඬින් ඒ මොහොතේ විලාප නැගුවා
විරහ වේදනාවෙන් මෙන් විලාප නැගුවා
ඒ හඬ හැමදාටම මට මතක තියේවී
අද ඔබ මා ඇස ගැටුණත්
අප ආගන්තුකයින් වාගේ
ඒ වුණාට හද පතුලේ දුකක් තියනවා
ඔබ මා පමණක් දන්නා දුකක් තියෙනවා
ඒ දුක හැමදාටම මා ළඟම හිඳීවී
© Rasika Imbulgoda, 2024මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
