දනිමි මා හට ඔබ අහිමි බව
ඔබේ සෙනෙහස උරුම නැති බව
නමුදු ඔබ වෙත මගේ හදවත
ඇදෙනවා තාමත්
ඔබෙන් මද සිසිලක් ලැබේයැයි
සිතෙනවා තාමත්, සිත කියනවා තාමත්
ඔබේ අත මට අහිමි වූවත්
සදා නොවෙනස් මගේ සෙනෙහේ
ඔබටමයි පෙම්බරියේ
මගේ සිත තුළ ගැයෙන පෙම් ගී
ඔබටමයි මියුලැසියේ
එදා ඔබ මා දුරස් වූවත්
සදා මා හද රැඳී සිටිනා
ඔබේ රුව සුන්දරියේ
මගේ දිවියට නව පණක් දී
රැක ගනී සියුමැලියේ
© Chandra Arachchige, 2021මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.