මන්දාරම් නුවරට වැහි වහින්නට ළඟ යි
හීන පිරුණු ආකාශය හරි ම කළුවර යි
පැයූ දේදුන්නේ බොඳ පැහැය දුක්බර යි
අද නම් ඔබ හමුවන්නේ නැති ම නැති හැඩ යි
දුම්බර කඳු යාය මත්තෙ කෝච්චිය හැඩ යි
අපේ හිතත් යාකෙරුවේ මැණිකෙලා තම යි
හීත සුළං පොද දැනුණම තුරුල උණුහුම යි
තාමත් හිත රිදුම් දෙන්නෙ ඒ හාද්ද ම යි
මීදුම් තිර කඩා වැසෙන කඳුත් දුක්බර යි
නිම්න සානු මිටියාවත් හරි හැඟුම්බර යි
පැතුම් පොකුරු පිරෙන හිඳෙන මසිත චංචල යි
හිනා පිරුණු ඔබ දකින්න ගත ම කලබල යි
© Anuruddha Weligamage, 2026මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්රිත, ලිඛිත, ඉලෙක්ට්රොනික ආදී කවර මාධ්යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.