මම හරිම දඩබ්බර කවියක්
නැවතුනත් ඔබේ ළඟ මොහොතක්
රැඳෙන්නට සිතුවෙ නැහැ භවයක්
ගැළපුවා ඔබ මටම තනුවක්
තටු රැගෙන පියාඹන සිහිනේ
ඉදිබු ගමනින් ඇදෙමි තිරසේ
සිතුවමම මා අතිනි ඇඳුණේ
නමුත් මේ පාට හැඩ ඔබගේ
තරුවකිය බැබළි ඔබ හිරුසේ
මට වඩා එළිය රැඳි අහසේ
පසෙක ලා ඔටුනු රැඳි සිරසේ
නැවතුවා ඔබ ගමන ඔබගේ
විලක් නොම වෙමින් රැඳි අඳුරේ
ගඟක් වී ගලායමි සොඳුරේ
ජීවිතය ගීතයකි මාගේ
නමුත් මේ ගීතයම ඔබගේ
තනි නොවී මගේ අඩි පාරේ
පුංචි පියවර එවා මුදු සේ
ඔබ නොවුන මුත් ඔබේ සිහිනේ
මමත් මාගේ නොවෙයි ඔබගේ
© Mahesha Vajirakanthi Wijesekara, 2020
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්රිත, ලිඛිත, ඉලෙක්ට්රොනික ආදී කවර මාධ්යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
+++++++++++++++
ReplyDelete