උඩට උඩුවියන් කුමටද අහස තියෙනවා
පයට පාවාඩ කුමටද පොළොව තියෙනවා
සලන චාමරත් කුමටද සුළඟ තියෙනවා
හිත ඇත්නම් පත කුඩාද කියල තියෙනවා
ශිල්ප සදන තක්ෂිලාව දුරින් පෙනෙනවා
රන් මිරිවැඩි නැති වුණාට ගමන තියෙනවා
සිදාදියේ චංචල බව සිත පටලනවා
ඒත් පුතුනි දිරි ලැබෙන්න පැතුම් පතනවා
සුර ලෝකේ රැස්මාලා වට විහිදෙනවා
මුතු කුඩ නැති වුණාට පුත සුරත තියෙනවා
නංගි මල්ලි නුඹ යනු දැක කඳුළු පිසිනවා (සලනවා)
මමත් පුතුනි ඉණි වැට ළඟ බලා ඉන්නවා
© Gnanatilaka Hewa-Gamage, 2015
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.