හිරු මිලින වී - රසන්ත චන්ද්‍රසූරිය

හිරු මිලින වී අඳුර පැතිරෙයි සඳු වළාවක සැඟවිලා
තවත් දිනයක් නිමා වී ඇත දුකෙන් බර සිත ගොළුවෙලා

උදේ සුපිපෙන සොඳුරු පියුමන් සැඳෑ සමයේ මිලින වේ නම්
එක්ව හිනැහුණු යොවුන් දෙහදක් වේදනාවෙන් වෙන්ව යා නම්
සිතක ඇතිවුණු සියලු පැතුමන් සිඳී සුළඟේ විසිර යා නම්
හඬනු කුමටද තැවෙනු කුමටද මගේ උරුමය මෙලෙස වේ නම්

ලැබුණි නම් එක් සොඳුරු බැල්මක් මා ඔබේ දෙස බලන මොහොතක
ලැබුණි නම් එක් සිනාවක් හෝ මුතු දසන් රත් ලවන් මැදිකොට
ඇසුණි නම් පිය තෙපුල් වදනක් සදාකල් මා මන රැඳෙන්නට
නොවෙනු ඇත මට මේ ලෙසින් අද දුක් සුසුම් මැද කඳුළු බොන්නට

  

© Rasantha Chandrasuriya, 2020

---

මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com