ඇසේ බොඳවන පැරණි සිතුවම්
මෙසේ කොළවල අඳින්නම්
සිතේ මතුවන මතක සටහන්
මෙසේ කවිකොට ලියන්නම්
තුටින් පාසැල් දිවිය සමුගෙන
තක්සලාවක් සොයා ආයෙම්
මනස සැනසුන නිසල බිම සිට
ශිල්ප සෙව්වෙමි පිපාසාවෙන්
තරුණ කල කෙළිදෙලෙන් සිප් කළ
සොඳුරු යුගයක් දකින රිසියෙන්
එදා සුපුරුදු ගිය මග ම අද
සිතින් හිමිහිට ඇවිද යන්නම්
හන්තාන කඳු වැටිය සිප එන
සිහිල් සුළඟක පහස විඳිමින්
කලාගාරය අසල පඩි පෙළ
වාරුගෙන හිමිහිට බසින්නම්
මහවැලිය පෙර සේම තවමත්
තුටින් හිනැහී ගලා යන බව
සදා නොමියන මතක අතුරින්
මෙසේ සටහන් කොට තබන්නම්
© Shelton Pieris, 2020
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.