හිත ගාව පෙම් හීන - ශානිකා ශෂීප්‍රියා ද සිල්වා

හිත ගාව පෙම් හීන, මල් වාගේ පිපුණා ම
ඔබ එන්න මල් මාවතේ
අර ඈත සඳ ගාව - තරුවක් වගේ ඉන්න
වරුවක් ම මගෙ ජීවිතේ

එළිවෙච්ච ඒ හීන, පණ වාගෙ රැක ගන්න
මුදු හාදු තවරා මුවේ
මට ආයෙ හිනැහෙන්න, හීනය ළඟින් ඉන්න
හැමදාට දැන් ඔබ මගේ

නෙතඟින් බලා කීව, සෙනෙහස් කතා බෝම
වෑහෙයි නුරා ගී වගේ
හිම හීත බිඳු වාගේ, දෙතොලතර දැවටෙන්න
උණුසුම් සුසුම් දෙනු ප්‍රියේ

© Shanika Shashipriya de Silva, 2024

---

මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com