නීල වලාවේ සැනසේවී
නැළවී සඳ සාවී
මල් පියල්ලේ රොන් උරා
බිඟු කැල සැතපේවී
සුසිනිඳු වැල්ලේ සුව දේවී
මුදු මඳනල මුසු වී
සිත් යායේ මල් පිබිදේවී
සුපෙම් සුව විඳීවී
මලවි හී සරින් කිති කැවුණු දෙහද අරා
සුවඳ දී පිපුණි පෙම් මල් දිවි ඇති තුරා
අත්වැල් බැඳ යන මග එළි කළ සිත් පුරා
පහන් සිල ඔබයි දැල්වුණු ගනඳුර ඉරා
විහඟ ගීතයක සිහින් සර ඈත ඇසුණා
ආදරේ නමින් සුමියුරු තනුවක් බැඳුණා
ජීවන ගීතය එයයි අපි එක්ව ගයනා
සසර ගමනේ සපථ ප්‍රේමයක අගනා
© Subhashini Jayathilaka, 2021මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.