දිසාපාමොක් ඇදුරුතුමනී අවසර ද සමුදෙන්න
තවත් කිසි දෙයක් නැත මට කියා නැති වෙන්න
පියෙකු නැති මගේ ලොව ඔබ පියා මට වෙන්න
තිබුණ හීනය නැති කරේ කිම ද මට පවසන්න
කහට ඇති ගවුම අද පොඩි වෙලා ඉරිලා
කහට මැද රතු ලෙයින් ආත්මය මරලා
මගේ ලොව හිටි දෙවියා තිරිසනෙක් වීලා
ගුරු පඬුරු හිලව්වට නොමර මා මරලා
වේල්ලට උඩින් ලිහිණියො කැරකෙනවා
යන්නට ගෙදර පා පොඩි මගෙ වලකනවා
නොකියම යන්න අම්මේ මට සිදුවෙනවා
වැව් දිය තුරුලේ අම්මේ මම සැතපෙනවා
© Asitha Udayanga, 2024මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.