විනිසුරුවෙකු චූදිතයෙකු වූ දා
වධකයෙකුගෙ සිත කැළඹී දෝ
දූෂිතයෙකු විනිසුරුවෙකු වූ දා
ජූරිය මීවිත කැඳවී දෝ
සැඩ හිරු ඉඳුරින් ගිලිහී ගිය දා
පුරහඳ රැස් බිහිසුණු වී දෝ
සැවුලන් අරුණේ නොහඬනු රිසියෙන්
නොනිදා රැය එළි කරවී දෝ
වේයන් පොත්ගුල අත්පත් කළ දා
උන් සරසවියට පිවිසී දෝ
සතරට ගිජු සිප්හල වැනසූ දා
ඇදුරන් සිල් පද නොබිඳී දෝ
© Manjula Wettasinghe, 2021මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
අලුත්ම කෝණයක්, බෝම කැමතියි
ReplyDeleteNihal Rupasinghe