ගඟට ගඟක් හමුවේවිද කෙදිනක හෝ
විලට විලක් හමුවේවිද කෙදිනක හෝ
ඔබට දිනක මා යළි හමු වේ දෝ
අපට යළිත් එක්වන්නට
ලැබේවි දෝ
කඳු හෙල් මිටියාවත් බෑවුම් ඔස්සේ
ඇදී ගියත් ගංගා රිසි ලෙස සොඳ සේ
මුහුද සමග එක්වූවත්
ගඟට ගඟක් හමුවෙනවා දෝ
කවදා හෝ හමුවේවිද අප දෙදෙනා
මට නොසිතේ
විලේ සුනිල දිය වාෂ්ප බවට හැරේ
ඉහළ නගී සැහැල්ලුවෙන් සැරෙන් සැරේ
වළා සමග එක්වූවත්
විලට විලක් හමුවෙනවා දෝ
කවදා හෝ හමුවේවිද අප දෙදෙනා
මට නොසිතේ
© Chandra Arachchige, 2021මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.