එදා අප දෙදෙනා
එකිනෙකා හා ආදරෙන් බැඳිලා
රස මැවූ මල්බර සමේ
මා ඔබට ගැයුවේ සැමදා
හදවතේ ඉපදුණු සුපෙම් ගී
මේ ලෙසයි ප්‍රියේ
කියන් මා හට ඔබේ හදවත මලක් දෝ
ගිලන් සිත සුව කරන ඔසුවක
පහන් එළියක
සඳුන් සිසිලක
අරුම කැටිකොට අරුණ සුපිපුණු
කියන් මා හට ඔබේ හදවත මලක් දෝ
මෙදා අප දෙදෙනා
එකිනෙකා හා කෝපයෙන් වෙළිලා
ගතවෙනා දුක්බර සමේ
ඔබට ලියු ගීතේ පෙරදා
මා මුවෙන් යටිකුරුව පෙරළී
මේ ලෙසින් ගැයේ
කියන් මා හට ඔබේ හදවත ගලක් දෝ
දුකින් පිරි සිත තලන පහරක
දෙනෙත කඳුළක
දෙකන යවුලක
කුරිරු බව ගෙන රුදුරු ලෙස සැදු
කියන් මා හට ඔබේ හදවත ගලක් දෝ
© Rasika Suriyaarachchi, 2021මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.