තාත්තේ මගෙ තාත්තේ
මේ අහන්නකො තාත්තේ
ආච්චී මට කියා දුන්නා කතන්දරයක් ඊයේ
ඒ කතාවේ තේරුණේ නැති දේ
මොනවදෝ කියලා
මට කියා දෙන්නකො තාත්තේ
ඒ කතාවේ හිටිය රජ්ජුරුවෝ
මාළිගේ හැරදා
ළමයි දෙන්නා සමග අම්මා
මහ කැලේකට ගෙන ගියේ ඇයි
කියා දෙන්නකො තාත්තේ
මට කියා දෙන්නකො තාත්තේ
කැලෙන් පලතුරු නෙලා එන්නට
ගිය වෙලේ අම්මා
සොයා වහලුන් ආපු බමුණට
ළමුන් දෙන්නා ඇයි ද දුන්නේ
කියා දෙන්නකො තාත්තේ
මට කියා දෙන්නකො තාත්තේ
© Rasika Imbulgoda, 2021මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
No comments:
Post a Comment
මේ ගී පදමාලාව පිළිබඳව ඔබේ අවංක අදහස් කරුණාකර මෙහි සඳහන් කරන්න. යෝජනා, චෝදනා, පසැසුම්, ගැරහුම් සියල්ල ආදරයෙන් පිළිගනිමු. ස්තුතියි.