සඳේ සාවිය - නයනශාන්ති දිසානායක

සඳේ සාවිය පෙම් බැඳ, වලාකුළ හා හාදව
දිස්නෙ දුන් ඒ රිදී ඉර ළඟ මඳ'ඳුරේ ගුලිව
සඳ යහනතින් වෙන්වී උණු කඳුළු බිබී ළතැව
මාවතේ සැරි සරන්නී ජීවිතය තුළ තනිව

රිදුම් දෙන හද වසා වත්සුනු උලා වත සවස
පිපුණි රැය කඩුපුල ව පිනවා නිශායම පවස
නෙතින් ඇරයුම් ලබා සරතැස නිවා දුන් පහස
ලොවෙන් සඟවා හොවා හද තුළ සුරැකි ඒ රහස

රැය පුරා විඳ දහවලේ උන් නාඳුනන මිහිර
තෙපැළු දාහක් රහස් මන්තර සවන ළඟ කොඳුර
පුරන සිල්වත් බව මතින් ඈ අපුල කර බැහැර
නිවන දොරටුව නුදුරුවේ ඇත වෙලා හද මැඳුර

© Nayanashanthi Dissanayake, 2025

---

මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com