හිනැහෙන් දිලී නයනාවියේ - ෂ්‍යාම් රත්නායක

හිනැහෙන් දිලී නයනාවියේ
දිය රැල් ලෙසේ හසරැල් ඔබේ
මේ නිල් විලේ කුසුමන් පිරී
දෙකොපුල් සුළී දෙනුවන් මිණී
හිනැහෙන් දිලී නයනාවියේ

ඔසරියෙ පොටේ අහසේ ඇදී
මල් පවන කිමදෝ මේ හබේ
වරලස ඇගේ සුළඟේ සැලේ
විල් සුළඟ ඇයි දඟකම් මෙසේ

ඇස් නැලවිලා මොනවද කියයි
ඇගෙ මුහුණෙ රංගන පෙළහැරයි
සේයාව ඇගෙ දිස්වේ දියේ
මානෙල් නෙළුම් විළියෙන් සැලේ

ඇගෙ සිහිනි ඉඟ සැලි දෝලනේ
සමනලුන් සේ නෙරියේ රැලී
රන්දම් ගෙලේ තිසරුන් සොයයි
තවුසන් කෙසේ කවියන් කළේ

© Shyam Ratnayake, 2022

---

මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com