ජන අභිමන වනසාලන, නොමිනිස්කම් පතුරාලන
රට විකුණා බුදින අමන, දුසිරිත් පිරි පාලකයින්
පළවා හැර පෙරමඟ ගෙන, තරුණ ජවය පිරි විරුවන්
යදම් බිඳියි රට සුරකියි, බලව් දිනෙක ඒ විකුමන්
රන් ඔටුන්නක් පළඳ වන්නට, දුන්නෙ බලතල පෙරදිනේ
නමුදු ධනබල ජාති කුලමල, වැපුරුවේ ජන ජිවිතේ
සිව්හෙළේ රට බෙදා වෙන්කළ, අයුරු මතක ද පෙර කලේ
හුස්ම දී රට ගොඩනගන්නට, රොද බඳිමු අපි මිහිතලේ
එකා එකපිට එකා වැටුණ ද, පෙන්වමුය අපෙ ජනබලේ
නව ලොවක ජය කෙහෙළි නංවන, ඉරක් පායයි මතු දිනේ
මිනිස් බල මුළු වීදියට විත්, පවුරු බඳිනා හෙට දිනේ
තුන්හෙළේ හෙට දවස වෙනුවෙන්, අපිත් එක්වෙමු හන්දියේ
© Tikiri Ranaweera, 2022මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com
